Marketplace produktu bat gure webgunearen bidez hirugarrenek saldutako produktu bat da. Hau da, produktua ez zaio zuzenean Eroskiri erosten, Eroskik hautatutako kanpoko saltzaile bati baizik.

Gure Marketplaceko saltzaileak tentu handiz hautatuak izan dira, gure balio korporatiboak errespetatzen dituzten eta produktuen entrega azkarra eta fidagarria bermatzen duten konfiantza osoko saltzaileak dira.

Marketplace produktu bat identifikatzeko, "Honek saldua:" testua eta saltzailearen izena agertuko dira produktuan.

Marketplace produktuetan, ehunka marka aurkituko dituzu preziorik onenean, eta produktu horiei ez zaizkie aplikatzen Eroski Klubaren abantailak (kupoiak, ORO bezero izateagatiko deskontua, etab.) eta soilik online eskuratu ahalko dira. Ezingo dituzu Marketplace produktuak gure denda fisikoetan erosi.

Marketplace produktuak zuzenean saltzaileak bidaltzen ditu, eta saltzaile bakoitzak ezartzen ditu entrega datak eta bidalketa kostuak.

Saltzaile desberdinen produktuak erosten badituzu, bidalketa gastuak saltzaile bakoitzeko kobratuko dira.

Entrega data estimatua eta bidalketa kostua erosketa prozesuan ikusi ahalko dituzu, bidalketa metodoa hautatzean; beraz, ez duzu inoiz ezustekorik izango eskaera berretsi ondoren.

Marketplace produktuak etxera bidaltzen dira; ezin dira entregatu ez bilketa puntu batera, ez gure Eroski dendetara.

Eskaeraren jarraipena egiteko, sartu “Nire eskaerak ikusi” atalera eta, bertan, zure Marketplace eskaerari buruzko informazio guztia izango duzu.

“Nire eskaerak ikusi” atalera joateko, egin klik hemen.

Hortik, halaber, saltzailearekin harremanetan jarri ahalko zara, kontsulta egin nahi duzun eskaerako “Jarri harremanetan saltzailearekin” sakatuz.

Marketplace produktu batekin lotutako zalantzaren bat baduzu edo gorabeheraren bat sortzen bada, jarri harremanetan saltzailearekin webgunearen bidez. Horretarako, “Nire eskaerak ikusi” atalean sartu eta kontsultatu nahi duzun eskaerako “Jarri harremanetan saltzailearekin” botoia sakatu behar duzu.

“Nire eskaerak ikusi” atalera joateko, egin klik hemen.

Eroskik bezeroaren eta saltzailearen arteko harreman guztiak gainbegiratuko ditu, gure Marketplaceko saltzaileek emandako saldu osteko zerbitzuaren kalitatea zaintzeko asmoz.

Marketplace produktuek, kanpoko saltzaileek saldu eta bidalitakoek, 3 urteko bermea dute, baina saltzaileak berme handiagoa eskaini dezake.

Marketplace produktuak ordaintzeko, Eroski produktuen erosketa esperientzia bera mantentzen da, arina eta segurua, Eroskiko ordainketen segurtasun berme guztiekin.

Marketplace produktuetarako ez dago eskuragarri finantzazioa, Eroskik saldutako produktuetarako eskaintzen dena.

Faktura eskatzeko, saltzailearekin harremanetan jarri behar zara. Horretarako, egin klik hemen eta hautatu “Faktura Eskatu”.

Erosketa Espainiako saltzaile bati egiten badiozu, fakturan Espainiako BEZa agertuko da, behar bezala adierazita.

Erosketa komunitate barruko (EB) saltzaile bati egiten badiozu, saltzaileak Europako Zuzentarauak zehaztutako BEZaren atalaseak errespetatu behar ditu, zergak jatorrizko herrialdean ordainduz (fakturak jatorrizko herrialdeko BEZa adieraziko du). Saltzailea Espainiako Zerga Agentzian alta emanda badago bakarrik islatuko du fakturan Espainiako BEZa.

Baliteke saltzaileak informazioa eskatzea (IFZ/NAN/AIZ) faktura egin ahal izateko.

Marketplace produktu baten itzultzeko eskaera webgunearen bidez egin behar duzu, hemen klik eginez saltzailearekin harremanetan jarriz eta “Itzuli” botoian klikatuz.